அம்மா பொருத்தம்

இந்தப் பொண்ணு ரொம்ப அழகா இருக்கா! பத்து பொருத்தமும் பொருந்தியிருக்குடா கேசவ்! இந்த வரனைப் பார்த்தா என்ன?" அம்மா ஜானகி கேட்க, கேசவ் அந்த போட்டோவை வைத்த கண் வாங்காமல் பார்த்தான்.

- தேவிபாலா

பெரிய கண்களும், அழகான உதடுகளும், வசீகரமான முகமும் கேசவ்வை பெரிதும் கவர்ந்தன.

அவளது ஐ.டி.நம்பர் இருந்தன.

கம்ப்யூட்டரில் இன்னும் நாலைந்து புகைப்படங்களில் அந்த பெண் இருந்தாள். பெயர் அட்சயா. படிப்பு எம்.டெக். ஒரு பெரிய கம்பெனியில் உத்யோகம். மாதச் சம்பளம் கிட்டத்தட்ட அறுபதாயிரம் ரூபாய். அப்பா மத்திய அரசாங்கத்தில் அதிகாரி.

அம்மா மாநில அரசில் உத்யோகம். இரண்டு அண்ணன் மார்கள்.

ஒருவன் வெளி நாட்டில். அடுத்தவன் உள்ளூரில். சொந்த வீடு போன்ற சகல வசதிகளும், எல்லா தகுதிகளும் இருந்தன.

அப்பா கதிரவன் உள்ளே வந்தார்.

"என்னங்க எல்லா தகுதிகளும் இந்தப் பொண்ணுக்கு இருக்கு.

பேசலாமா?" அவர் பார்த்தார்.

"கேசவ் உனக்கு புடிச்சிருக்கா?" 'ஆமாம்பா.' "சரி அவங்க போன் நம்பர் இருக்கு. கான்டாக்ட் பண்ணி எப்ப பார்க்க வரலாம்னு நான் கேட்டுக்கிறேன்." "சரிப்பா" கேசவ் சி.ஏ முடித்து விட்டு மிகப்பெரிய நிறுவனம் ஒன்றில் பெரிய பதவியில் இருந்தான். லட்சங்களில் சம்பளம்.