ஐ வகை நிலத்தையும் அழிக்கும் ஆட்சியாளர்கள்!

குறிஞ்சி, முல்லை, மருதம், நெய்தல் என்ற நால்வகை நிலமே நானிலம் என்னும் உலகம். இதில், குறிஞ்சியும் முல்லையும் திரிந்து பாலை என்ற வடிவம் கொள்ளும் என்று ஐந்தாவது ஒரு நிலத்தை அறிமுகம் செய்தனர் நம் முன்னோர்

- 

ஆக, நானிலத்தோடு பாலை போன்ற தேரியும் சேர்ந்த ஐவகை நிலம் அமைந்ததாக தமிழ்நாடு அழகிய காட்சி அளிக்கிறது.

தமிழ்நாடு நன்றாக இருப்பது எப்போதுமே ஒன்றிய அரசுக்கு கடுப்பாகவே இருக்கிறது. ஏனெனில், இந்திய ஒன்றியத்தில் இங்கு மட்டும் இயற்கை வளமும், கலாச்சாரமும், வாழ்வியலும் பிணைந்து கலந்து கிடக்கிறது.

இந்தி, சமஸ்கிருதத்துக்கு முக்கியம் அளித்து, ஆட்சி, நிர்வாகம் நடைமுறையில் தமிழை ஓரங்கட்டியதுபோல், தமிழ்நாட்டின் வளங்களை சுரண்டி ஓட்டாண்டியாக்குவதற்கும் தனித் திட்டங்களை சலிப்பின்றி தீட்டிவருகிறது மோடியின் பாஜக அரசு.