ഊർജം നൽകും വാഴപ്പഴം

ശാരീരികപ്രവർത്തന ങ്ങൾക്കാവശ്യമായ പോഷകങ്ങളുടെയും ഊർജത്തിന്റെയും കലവറയാണ് നേന്ത്രപ്പഴം

- റ്റിഷ പുഷ്ക്കർ സീനിയർ ഡയറ്റിഷൻ കിംസ് ഹെൽത്ത്, കോട്ടയം.

നമ്മുടെ നാട്ടിൽ ഏറെ സുലഭമായതും ഗുണങ്ങൾ ഏറെയുള്ളതുമായ പഴങ്ങളിൽ ഒന്നാണ് നേന്ത്രപ്പഴം അഥവാ ഏത്തപ്പഴം. ഒരു ഇടത്തരം നേന്ത്രപ്പഴത്തിൽ നിന്നും 100 മുതൽ 116 വരെ കലോറി ഊർജം ലഭിക്കും. അതോടൊപ്പം 28 ഗ്രാം കാർ ബോഹൈഡ്രേറ്റ്, ഒരു ഗ്രാം പ്രോട്ടീൻ, രണ്ട് മുതൽ മൂന്ന് ഗ്രാം വരെ ഫൈബർ എന്നിവയും അടങ്ങിയിരിക്കുന്നു. 

കാർബോഹൈഡ്രേറ്റ് ധാരാളമുള്ളതിനാൽ പെട്ടെന്നുള്ള ഊർജാവശ്യത്തിന് ഏത്തപ്പഴം കഴിച്ചാൽ മതിയാകും.

വയറിളക്കരോഗം ബാധിച്ചവരിൽ നിർജലീകരണം തടയാൻ ഏത്തപ്പഴത്തിലടങ്ങിയിരിക്കുന്ന പെക്ടിൻ എന്ന നാരുകൾ സഹായിക്കും.