മണവാട്ടിപ്പെണ്ണൊരുങ്ങ്...

വിവാഹദിനത്തിന് അഴകോടെ അണിഞ്ഞൊരുങ്ങാൻ ഒരുക്കങ്ങൾ മുന്നേ തുടങ്ങാം. മുഖത്തിന്റെ മാറ്റ് കൂട്ടാൻ മാത്രമല്ല അടിമുടി അഴകിടർത്താനും വഴികളേറെയുണ്ട്

- ഡോ. റീമ പദ്മകുമാർ റീംസ് ഹെർബൽ ബ്യൂട്ടി ക്ലിനിക്ക് പേട്ട, തിരുവനന്തപുരം

ഒരു പൊട്ടും അല്പം ലിപ്സ്റ്റിക്കും കണ്ണിലിത്തിരി കരിമഷിയും എഴുതി വിവാഹത്തിനൊരുങ്ങിയ പഴയകാലം മുത്തശ്ശിക്കഥപോലെ നമ്മൾ കേട്ടിട്ടുണ്ടാവും. ഏതുകാലത്തും ഏറ്റവും സുന്ദരിയായി, മനോഹരിയായി അണിഞ്ഞൊരുങ്ങാൻ എല്ലാ പെൺകുട്ടികളും ആഗ്രഹിക്കുന്ന ദിനം അവരുടെ വിവാഹമാണ്. എല്ലാകണ്ണുകളും അന്ന് തന്നിലായിരിക്കുമെന്ന് അവൾക്കറിയാം. അതുകൊണ്ടുതന്നെ വിവാഹദിനത്തിൽ തിളങ്ങാനുള്ള തയ്യാറെടുപ്പുകൾ മാസങ്ങൾക്കു മുമ്പേ തുടങ്ങാം. യോജിച്ച മേക്കപ്പും വസ്ത്രവും ഹെയർസ്റ്റൈലും തിരഞ്ഞെടുക്കാൻ ഇത് സഹായിക്കും. മനസ്സിനും ശരീരത്തിനും ഒരുപോലെ സംരക്ഷണം നൽകണം. മാനസിക സമ്മർദം കുറയ്ക്കുന്നതു മുതൽ നല്ല ഉറക്കം വരെയുള്ള കാര്യങ്ങൾ ഇതിൽ ഉൾപ്പെടും. ശൈത്യകാലത്ത് വിവാഹത്തിന് ഒരുങ്ങുമ്പോൾ ചർമത്തിന് പ്രത്യേക സംരക്ഷണം നൽകണം.

നേരത്തേ തുടങ്ങാം