മഴവരമ്പത്ത് പെയ്ത് പെയ്ത്...

ഇമയിൽത്തല്ലി വീഴുന്ന നീർത്തുള്ളികൾ. അവളെ ഓർക്കുമ്പോഴൊക്കെയും എന്റെയുള്ളിൽ പാപബോധം ഘനീഭവിക്കുന്നു

- സി.ഗീതാദേവി മലയാളം അധ്യാപിക സെന്റ് മേരീസ് എച്ച്. എസ്. എസ് കായംകുളം

ഒരുദിവസം ബസ്സ്റ്റോപ്പിൽ വച്ച് ആകസ്മികമായി സൗമ്യയെ കണ്ടു. അവളിന്ന് ഏതോ സ്വകാര്യ ആശുപത്രിയിലെ നഴ്സാണ്. ഒരുനിമിഷം ഞാൻ കണ്ണടച്ച് നിന്നു. പതിനഞ്ചുവർഷം മുമ്പുള്ള ആ രംഗം മനസ്സിൽ കണ്ടു. സൗമ്യയുടെ മലയാളം അധ്യാപികയായിരുന്നു ഞാൻ. അത്യാ വശ്യം സാഹിത്യം എഴുതുമായിരുന്നു. രണ്ടുമൂന്നു കുഞ്ഞുപുരസ്കാരങ്ങൾ കൂടി ലഭിച്ചപ്പോൾ ഒരു അഹന്ത എന്നെ ലേശം പിടികൂടിയിരുന്നോ എന്ന് ഇപ്പോൾ ഞാൻ പുനർവിചിന്തനം ചെയ്യുന്നു. മാഗസിൻ എഡിറ്റർ എന്ന പദവി സ്ഥിരമായി എന്നിൽ നിക്ഷിപ്തമായിരുന്നു. വർഷാവസാനം പ്രസിദ്ധീകരിക്കുന