വലിയ നന്മയായി ഭവിക്കുന്ന ചെറിയ സഹായം

മനസ്സറിവോടു കൂടിയും അല്ലാതെയും ചെയ്യുന്ന നന്മ തിന്മകളാണ് ഒരു വ്യക്തിയുടെ ജീവിതഗതിയെ ത്തന്നെ നിയന്ത്രിക്കുന്നതെന്നതിന് ധാരാളം ഉദാഹരണങ്ങൾ നമ്മുടെ ഇതിഹാസങ്ങളിൽ നിന്നുതന്നെ ലഭ്യമാണ്.

- സംഗീത മധു

ദ്രൗപതിയുടെ പാണിഗ്രഹണത്തിനുശേഷം, ധർമ്മപുത്രൻ രാജസൂയയാഗം പൂർത്തിയാക്കിയ വേള.

ഒരുദിവസം നദിയിൽ നീരാടുകയായിരുന്നു കണ്ണൻ. പാണ്ഡവന്മാരും കണ്ണനോടൊപ്പം നീന്തിക്കുളിച്ച് ഉല്ലസിക്കുകയായിരുന്നു.

അൽപ്പസമയത്തിനുശേഷം ഓരോരുത്തരായി കരയിലേക്ക് കയറി. പക്ഷേ, ശ്രീകൃഷ്ണൻ മാത്രം നദിയിൽ തന്നെ തുടർന്നുകൊണ്ടിരുന്നു. കരയിൽ കയറിയ പാണ്ഡവർ വെള്ളത്തിൽ നിന്നും കരകയറാൻ കണ്ണനെ നിർബന്ധിക്കുന്നുണ്ടായിരുന്നു. എന്നാൽ അവരെ ശ്രദ്ധിക്കാത്ത ഭാവത്തിലായിരുന്നു ശ്രീകൃഷ്ണന്റെ പെരുമാറ്റം.