கொழும்பு மாநகர சபையில் ஆட்சியமைப்பதில் அரசியல் கட்சிகளுக்கு பெரும் நெருக்கடி

கூட்டிணைவது தொடர்பில் தீவிரமான பேச்சு

- இராஜதுரை ஹஷான்

கொழும்பு மாநகரசபையில் ஆட்சியமைப்பதற்கு அவசியமான 59 உறுப்பினர்கள் அல்லது அதற்கு அதிகமான உறுப்பினர்களை எந்த அரசியல் கட்சிகளும் தனித்து பெறற்கொள்ளாத காரணத்தால் கொழும்பு மாநகர சபையில் ஆட்சியமைப்பதில் அரசியல் கட்சிகள் பாரிய நெருக்கடியை எதிர்கொண்டுள்ளன.

நடைபெற்று முடிந்த 339 உள்ளூராட்சிமன்ற அதிகாரசபைகளுக்கான தேர்தலில் ஆளுங்கட்சியான தேசிய மக்கள் சக்தி 265 உள்ளூராட்சிமன்ற அதிகாரசபைகளை கைப்பற்றியது.

இருப்பினும் 265 உள்ளூராட்சிமன்ற அதிகாரசபைகளில் தேசிய மக்கள் சக்திக்கு 116 உள்ளூராட்சிமன்ற அதிகாரசபைகளில் மாத்திரம் தான் தனித்து ஆட்சியமைக்கும் பெரும் பான்மை கிடைக்கப்பெற்றது.