கலைக்காகவே கலைஞர்கள் காக்கத்தான் யாரும் இல்லை

பொருளாதார ரீதியாக இந்த கூத்துகளை திறம்பட நடத்துவதற்கு கலைஞர்களை ஊக்குவிக்க யாரும் முன்வருவதில்லை. அழியும் கலையை அழியாமல் பாதுகாக்க முயற்சிக்கும் கலைஞர்களுக்கு உதவிகள் வழங்கிடல் அவர்களது அரசியல் பிரதிநிதிகளின் முக்கிய கடமையாகும் என்பதனை யாரும் உணருவதில்லை. அவர்களுக்கான பாதுகாப்பை யார் உறுதிப்படுவது என்ற தெளிவும் இல்லை. இதன் விளைவுதான் அண்மையில் அனைவரது உயிரையும் உருக்குலைய வைத்த சம்பவமாகும்.

- 

ஆம் 60 அடி உயரத்திலுள்ள கம்பத்தில் ஏறிய கூத்து கலைஞர் ஒருவர் தவறி விழுந்து உயிரிழந்தார். நானு ஓயா கிளாசோ தோட்ட பகுதியில் இடம்பெற்ற பொன்னர் சங்கர் கூத்தின் போதே கலைஞர் ஒருவர் தவறி விழுந்து உயிரிழந்த இந்த சம்பவம் நடைபெற்றது. கடந்த 27ஆம் திகதி அதிகாலை இந்த சம்பவம் இடம்பெற்றது. குறித்த நபர் தவறி விழுந்த நிலையில் உயிரிழந்துள்ளதாக பொலிஸார் தெரிவித்தனர். நானு ஓயா கிளாசோ தோட்டத்தைச் சேர்ந்த 63 வயதுடைய முருகன் சதாசிவம் என்பவரே இதன்போது உயிரிழந்துள்ளார். கலைமீது அவருக்கு எத்தனை தாகமிருந்திருந்தால் 65 வயதில் வானுயர உள்ள 60 அடி உயரக்கம்ப மரத்தில் ஏறியிருப்பார். அவர் கலையை அதிகம் அதிகம் நேசித்ததாலோ என்னவோ கலையோடு சங்கமித்திருந்த போதே இவ்வுலகை விட்டு சென்றுள்ளார். இந்த சம்பவம் பெரும் அதிர்ச்சியை ஏற்படுத்திய நிலையில் ஏன் 60 அடி கம்பத்தில் ஏற வேண்டும் என்ற கேள்வி பலருக்கும் எழுந்துள்ளது. இது தொடர்பில் எல்பியன் தோட்டத்தை சேர்ந்த முத்து என்ற கூத்து கலைஞரை தொடர்பு கொண்டு வினவினோம். இவர் அருச்சுனன் தபசில் திரௌபதி வேடம் தரித்து நடித்தவர். அவரது கருத்துகள் இங்கே..

அருச்சுனன் தபசு மட்டுமே கம்பத்தில் ஏற வேண்டும் பொன்னர் சங்கருக்கு அவ்வாறான எதுவும் இல்லை என்று கூறுகிறார்களே எது உண்மை என்று கூறுங்கள்...?

பொன்னர் சங்கர்-அருச்சுனன் தபசு என்ற இரண்டுக்குமே கம்பம் ஏறுதல் என்ற நிகழ்வு உள்ளது. அருச்சுனன் தபசில் அருச்சுனன் வேடம் தரித்தவர் மரம் ஏறி தவம் இருப்பார். பொன்னர் சங்கர் கூத்தில் பொன்னர் சங்கரின் சகோதரி தங்காள் தனது சகோதரர்களின் உயிரை திரும்ப கொண்டு வர கம்பம் ஏறி தவம் இருந்து இறை அருளை பெறுவார் என்பதற்கு இணங்க தங்காள் வேடமிட்டவர் கம்பம் ஏறி பெரியகாண்டி அம்மனின் அருளை வேண்டுவார்.

60 அடி உயர கம்பம் ஏற வேண்டும் என்பது விதியா.. அதனை விட குறைவான உயரத்தில் கம்பம் கட்டப்பட்டு ஏறலாமா....?