ஈரான்-இஸ்ரேல் தொடர்ந்தும் உக்கிர மோதல்

ஈரானானது தென் இஸ்ரேலிலுள்ள சோரோகா மருத்துவமனைக்கு அருகிலுள்ள இராணுவத் தளத்தை இலக்கு வைத்து நேற்று வியாழக்கிழமை கடும் தாக்குதலை நடத்தியுள்ளது. இத்தாக்குதலில் அந்த மருத்துவமனை பெருமளவில் சேதமடைந்துள்ளது.

- நமது நிருபர்

எனினும் மேற்படி தாக்குதலுக்கு முன்னர் மருத்துவமனையின் வட சத்திர சிகிச்சைப் பிரிவிலிருந்த நோயா ளிகள் வெளியேற்றப்பட்டிருந்ததாக அந்த மருத்துவ மனையின் பணிப்பாளர் நாயகம் தெரிவித்தார்.

ஆனால், மேற்படி மருத்துவமனையில் ஏனைய பாகங்களிலிருந்தவர்களில் சுமார் 40 பேர் காயமடைந்த துள்ளனர். இதனையடுத்து அந்த மருத்துவமனையிலி ருந்த 200க்கு மேற்பட்ட நோயாளிகள் வேறு மருத்துவ நிலையங்களுக்கு இடமாற்றப்பட்டுள்ளனர். இந்நிலையில் ஈரானால் இஸ்ரேல் எங்கும் நேற்று நடத்தப்பட்ட தாக்குதல்களில் குறைந்தது 89 பேர் காயமடைந்துள்ளனர்.

இனி இதனையடுத்து இஸ்ரேலிய பாதுகாப்பு அமைச்சர் காட்ஸ் தெரிவிக்கையில், ஈரானிய உச்ச நிலைத் தலைவர் மேலும் இருப்பதற்கு அனுமதிக்க முடியாது எனவும் அவரை இல்லாது செய்வது தனது நாட்டின் போர் இலக்குகளில் ஒன்றாக வுள்ளதாகவும் சூளுரைத்துள்ளார். டெல் அவிவ்நகருக்கு அருகில் ஹோலன் பிராந்தியத்தில் வைத்து ஊடகவியலாளர்களுக்கு விளக்கமளிக்கையிலேயே அவர் இவ்வாறு சூளுரைத்துள்ளார்.