இஸ்ரேல் - ஈரான் உக்கிர மோதல் நான்கு இலங்கையர்கள் காயம்

தெஹ்ரானிலிருந்து மக்களை வெளியேறுமாறு ட்ரம்ப் வலியுறுத்தல்

- 

இஸ்ரேலுக்கும் ஈரானுக்குமிடையில் தொடர்ந்து ஐந்தாவது நாளாக நேற்று செவ் வாய்க்கிழமை உக்கிர மோதல்கள் இடம் பெற்ற நிலையில் ஈரானியத் தலைநகர் தெஹ்ரானில் குண்டுவெடிப்புச் சத்தங்கள் கேட்ட வண்ணம் இருந்ததாகவும் இஸ் ரேலின் டெல் அவிவ் நகரில் வான் தாக் குதல்களுக்கான அபாய எச்சரிக்கை ஒலி எழுப்பப்பட்ட வண்ணம் இருந்ததாகவும் அங்கிருந்து வரும் செய் திகள் தெரிவிக்கின்றன.

இஸ்ரேலானது ஈரானிய அணுசக்தி நிகழ்ச் சித்திட்டத்துடன் தொடர்புபட்டவைகளை இலக்குவைத்து பாரிய தாக்குதல் நடவடிக் கைகளை முன்னெடுத்துள்ள நிலையில் ஈரானும் இஸ்ரேலை நோக்கி கடும் பதிலடி தாக்குதல்களை நடத்தி வருவதால் பிராந்தியத்தில் பெரும் பதற்றநிலை நிலவு கிறது. இந்தத் தாக்குதல்களால் இரு தரப்பு நாடுகளிலும் கடும் சேதங்களும் உயிரிழப்பு களும் காயங்களும் இடம்பெற்றுள்ளன.

இந்நிலையில் இஸ்ரேல் மீது அண் மையில் ஈரானால் நடத்தப்பட்ட தாக்கு தல்களில் 4 இலங்கையர்கள் காயமடைந் துள்ளதாகவும் அவர்களின் உடல் நலம் தற்போது ஸ்திரமாக உள்ளதாகவும் இஸ் ரேலிலுள்ள இலங்கைத் தூதரகம் தெரிவிக்கிறது.

அந்த நால்வரும் எதிர்வரும் நாட் களில் தமது பணிகளுக்குத் திரும்புவர் என எதிர்பார்க்கப்படுவதாக இஸ்ரேலுக்கான இலங்கைத் தூதுவர் நிமால் பண்டார நேற்று தெரிவித்தார்.