మనుగడ కోసం నిత్య పోరాటం

బతకడానికి నిత్యం పోరు చేయాల్సిందే. జీవించడానికి మరికొంత ఆరాటపడాల్సిందే.అర్థవంతంగా జీవించడానికి క్షణ క్షణం సుదీర్ఘ జీవన పోరాటం కొనసాగించాల్సిందే. అలసత్వం విజయాన్ని దూరం చేస్తుంది. అర్థ ప్రయత్నం అర్థ విజయాన్ని ఇవ్వదు.

- -డాక్టర్ బుర్ర మధుసూదన్ రెడ్డి

పరీక్షలో పాస్ కావాలంటే కనీసం మార్కులు దాటాల్సిందే. గౌరవ ప్రదమైన జీవనయానానికి పలు అవాంతరాలను దాటాల్సిందే. ప్రమాదాలు చెప్పి రావు. ఎదురీదకుండా విజయతీరం చేరలేం.

ప్రతి జీవి తన మనుగడ కోసం నిరంతరం పోరాటం చేస్తూనే ఉంది. ప్రతి ప్రయత్నంలో గెలుపు, ఓ దోబూచులాట ఆడుతూనే ఉంటాయి. గెలుపు సంతోషానికి కారణం అయితే ఓటమి ఒక విలువైన అనుభవాన్ని బహూకరిస్తుంది. మనస్పూర్తిగా చేసే ప్రయత్నమే మన చేతుల్లో ఉంటుంది. కర్మ చేయడం మన విధి. ఫలితం ఎలా ఉన్నా స్వాగతించడం వివేకవంతుల పని.

విద్యతో పాటు వివేకంతో కూడిన నైపుణ్యాలు స్వంతం చేసుకున్న యువత ఆధునిక వివేకానందులు అవుతారని గమనించాలి.