బతుకమ్మ.. బతుకమ్మ ఉయ్యాలో

దేశం మొత్తం దసరా ఉత్సవాలను జరుపుకునే పావన సమయంలో తెలంగాణ మహిళలు ఉత్సాహంతో పాల్గొనేవి బతుకమ్మ సంబరాలు.

- 

దేశం మొత్తం దసరా ఉత్సవాలను జరుపుకునే పావన సమయంలో తెలంగాణ మహిళలు ఉత్సాహంతో పాల్గొనేవి బతుకమ్మ సంబరాలు. తెలంగాణ రాష్ట్ర పర్వదినం బతుకమ్మ. భాద్రపద మాస అమావాస్య నాడు ఆరంభం అయ్యే బతుకమ్మ సంబరాలు తొమ్మిది రోజుల పాటు భక్తిశ్రద్ధలతో జరుపుకొంటారు. వర్షాకాలం పూర్తి అయ్యి చలికాలం ప్రారంభ సమయం. పరిసరాలన్నీ పచ్చదనం సంతరించుకొని ఆహ్లాదకర వాతావరణం నెలకొని ఉంటుంది. పూలు బతుకమ్మ అలంకరణలో ప్రధాన పాత్ర పోషిస్తాయి. తెలంగాణ ప్రజల సంస్కృతి, సంప్రదాయాలకు ప్రతీక బతుకమ్మ వారి జీవితాలతో మమేకమైంది. బతుకమ్మ పాటలలో విషాదంతో పాటు, ప్రజలు సంఘటితం కావలసిన అవసరం గురించి మర్మగర్భంగా తెలుపుతాయి. బతుకమ్మ పాటలలో చక్కని లలిత లలిత పదాలను పేర్చి పెట్టారు. విశిష్టమైన ఒక జాతి మనుగడ గురించి, ఆ ప్రాంత ప్రాధాన్యత, అభివృద్ధి గురించి చేసుకొనే ప్రత్యేక పర్వం బతుకమ్మ.

చారిత్రక గాథ

వెయ్యి సంవత్సరాల క్రితం ఈ ప్రాంతాన్ని బలవంతులైన రాష్ట్రకూట రాజులు పరిపాలించేవారు. నాడు నేటి తమిళనాడు ప్రాంతాన్ని కేంద్రంగా చేసుకొని దక్షిణ పథంలో అధిక భాగాన్ని పాలించేవారు చోళులు.