సుందర దృశ్యాలు, ఆధ్యాత్మిక కలబోత శ్రీలంక

చిన్న దేశమైనా శ్రీలంకలో అందాలకు కొదవలేదు. బీచ్ అతి పరిశుభ్రంగా ఉండి పర్యాటకులను విశేషంగా ఆకర్షిస్తాయి.

- - పంతంగి శ్రీనివాసరావు

చిన్న దేశమైనా శ్రీలంకలో అందాలకు కొదవలేదు. బీచ్ అతి పరిశుభ్రంగా ఉండి పర్యాటకులను విశేషంగా ఆకర్షిస్తాయి. రోడ్ల మీద ఏ మాత్రం చెత్తా, చెదారం కనిపించదు. ఎంతో క్రమశిక్షణతో జీవించే ప్రజలున్న దేశంగా పేరు గాంచిన శ్రీలంక ఆహ్లాదకర వాతావరణంతో పర్యాటకులకు ఆనందాలను పంచుతోంది. హిందూ, బౌద్ధ మతాల సమ్మేళనాలతో వెల్లివిరిసే శ్రీలంకలో ఈ మధ్యనే పర్యటించి ఎన్నెన్నో కొత్త అనుభూతులను స్వంతం చేసుకున్నాం.

శ్రీలంక గురించి: పర్యాటకం మీదనే ఎక్కువగా ఆధారపడిన శ్రీలంక జనాభా రెండు కోట్ల ఇరవై లక్షలు. అటువంటి శ్రీలంక 2019 ప్రాంతంలో ప్రపంచాన్ని వణికించిన కరోనా మహమ్మారితో పాటు, తదనంతరం ఆ దేశంలో ఏర్పడిన రాజకీయ, ఆర్థిక సంక్షోభాల కారణంగా కోలుకోలేని విపత్తుల బారిన పడింది. ఆ దేశ ప్రజలు సహనం కోల్పోయి, శ్రీలంక రాజధాని కొలంబోలో గల అధ్యక్ష భవనాన్ని ఆక్రమించుకోవడం వలన ఆ దేశ అధ్యక్షుడు పలాయనం చిత్తగించిన విపత్కర పరిస్థితులు నివ్వెరపరిచాయి. 73 యేళ్లలో అత్యంత దారుణమైన ఆర్థిక సంక్షోభాన్ని ఎదుర్కొన్న శ్రీలంక కరెన్సీ విలువ దారుణాతి దారుణంగా పడిపోయింది. అసలు ఈ దేశం కోలుకొంటుందా అనే సందేహంలో ఉండగా, తిరిగి కోలుకుని పర్యాటకంగా కొత్త పుంతలు తొక్కుతోంది శ్రీలంక. మా పర్యటనలో శ్రీలంకలో ఎన్నో ఆధ్యాత్మిక, ఆహ్లాదకర ప్రాంతాలు కనువిందు చేసాయి. మా ప్రయాణం చెన్నై నుంచి ప్రారంభమైంది.కొలంబో ఇంటర్నేషనల్ ఎయిర్పోర్ట్ దిగిన మేం కొద్దిసేపు విశ్రాంతి తీసుకుని అనంతరం మా పర్యటనను ప్రారంభించాం.

'మానవారి' సైకత లింగం: రావణ సంహారం అనంతరం శ్రీరామచంద్రుడు బ్రహ్మహత్యా పాతక నివారణ కోసం శివుని సూచనల మేరకు తొలిసారిగా మానవారిలో సైకత లింగాన్ని ప్రతిష్ఠించాడు. శ్రీరాముడు ఇలా ప్రతిష్టించిన శివలింగాల్లో మూడు శ్రీలంకలో ఉండగా, ఒకటి తమిళనాడులోని రామేశ్వరంలో ఉంది. శ్రీరాముడు ప్రతిష్టించిన 'మానవారి' సైకత లింగాన్ని 'రామలింగ శివన్' అని అంటారు. తరువాతబశ్రీరాముడు ప్రతిష్టించిన 'మునీశ్వరన్'లోని రెండవ శివలింగం దర్శించుకున్నాం.

చారిత్రక అనురాధపురం