ఘనమైనది భారత రాజ్యాంగం

రాజ్యాంగ రచన, ఆమోదం, అమలు, స్వాతంత్రం పొందిన తర్వాత డా॥ బిఆర్ అంబేడ్కర్ నాయకత్వంలో దాదాపు మూడు సంవత్సరాల తర్వాత పరమ పవిత్ర రాజ్యాంగాన్ని 4 నవంబర్, 1949న జాతీయ అసెంబ్లీకి సమర్పించగా, 26 నవంబర్, 1949లో నాటి రాజ్యాంగ సభ ఆమోదించగా, అమలులోకి తెచ్చుకున్న పవిత్ర సందర్భం 26 జనవరి 1950 అని మనకు తెలుసు.

- డా॥ బుర్ర మధుసూదన్ రెడ్డి

తెలిసీ తెలియక చేసిన పాపాలను త్రివేణి తె సంగమంలో కడిగేసుకొని, రానున్న రోజుల్లో లక్ష్యాలను ఛేదిస్తూ గణతంత్ర భారతమాతకు సుస్థిరాభివృద్ధి సుగంధ మాలలు వేయాలని దేశ ప్రజలు తీర్మానించుకుంటున్న వేళ దేశ ప్రజలు ఘనంగా 76వ గణతంత్ర ఉత్సవాలను జరుపుకోవడానికి ఉవ్విళ్లూరుతున్నారు.మన దేశాన్ని వికసిత్ భారత్ ప్రపంచ దేశాల ముందు నిలపడానికి కృషి చేస్తున్న శుభ గడియలివి. 15 ఆగస్టు 1947.నుంచి 26 జనవరి 1950 వరకు దేశాన్ని డొమినియన్ ఆఫ్ ఇండియా లేదా యూనియన్ ఆఫ్ ఇండియాగా పిలువగారాజ్యాంగం ప్రకారం ఇండియాతో పాటు భారత్ అనే పేరుతో ప్రేమగా పిలవడం జరుగుతున్నది.