సూర్యాస్తమయం లేని దేశాలు

ప్రతిరోజు మనం సూర్యోదయాన్ని చూస్తూనే ఉంటాం. ప్రకృతిలో దాగి ఉన్న వింతలను తెలుసుకోడాన్ని నిత్యం శాస్త్రవేత్తలు ప్రయత్నిస్తూనే ఉంటారు.

- షేక్ అబ్దుల్ హకీం జాని

ప్రతిరోజు మనం సూర్యోదయాన్ని చూస్తూనే ఉంటాం. ప్రకృతిలో దాగి ఉన్న వింతలను తెలుసుకోడాన్ని నిత్యం శాస్త్రవేత్తలు ప్రయత్నిస్తూనే ఉంటారు. ఈ వింత విషయాలను తెలుసుకోవడానికి ప్రజలు కూడా నిత్యం ఆసక్తి చూపిస్తూనే ఉంటారు. భారతదేశంలో మొదటి సూర్యోదయ రాష్ట్రం అరుణాచల్ ప్రదేశ్. ఇక్కడి అంజావు జిల్లాలోని డాంగ్వ్యాలీ అనే గ్రామంలో మొదట సూర్యుడు ఉదయిస్తాడు.ఈ పట్టణాన్ని జపాన్ ఆఫ్ ఇండియా అని పిలుస్తారు. ఈ గ్రామంలో ఉదయం 5 గంటలకే సూర్యుడు ఉదయిస్తాడు.జూన్ నెలలో అయితే ఉదయం 4.30గంటలకే సూర్యుడు ఉదయిస్తాడు. సాయంత్రం నాలుగున్నరకే అస్తమిస్తాడు. ఈ ప్రదేశం సముద్రమట్టానికి 1,240 మీటర్ల ఎత్తులో ఉండి నదులు, పర్వతాలతో నిండి ఉంటుంది. ఇది చైనా, మయన్మార్ దేశాల మధ్య నెలకొని ఉంది. బ్రహ్మపుత్ర నదికి ఉపనది అయిన రోహిత్ సంగమం ఈ ప్రాంత శోభను ద్విగుణీకృతం చేస్తుంది. తొలి సూర్యకిరణాలు తిలకించడానికి పర్యాటకులు డాంగ్ గ్రామానికి సమీపంలో ఉన్న తేజు, వాలాంగ్ పట్టణాలలో బసచేసి తెల్లవారుఝూమున మూడుగంటలకే డాంగ్ గ్రామానికి ప్రయాణమౌతుంటారు.భారతదేశంలో చివరగా సూర్యాస్తమయం జరిగే ప్రదేశం గుజరాత్లో కచ్ జిల్లాలోని గుహార్ మోతీ. గుజరాత్ భారతదేశానికి పశ్చిమ దిక్కుగా ఉంది. జూన్మాసంలో అయితే ఇక్కడ రాత్రి 7.39 గంటలకు సూర్యుడు అస్తమిస్తాడు. ఉత్తర, దక్షిణ దృవాల భూమి 83 డిగ్రీలు కొద్దిగా వంగి ఉంటుంది.ఈ కారణంగా భూమి తన చుట్టూ తాను తిరుగుతూ, సూర్యుని చుట్టూ కూడా తిరగడంతో ఉత్తర, దక్షిణ ధృవాల్లో సూర్యకాంతి పడుతూనే ఉంటుంది.అందువల్ల అక్కడి వారికి చీకటి అంటే ఏమిటో తెలియదు. అందువల్ల ఆయా ప్రాంతాలలో వాతావరణంతోపాటు ప్రజల జీవనవిధానం భిన్నంగా ఉంటాయి.

తొలి సూర్యోదయం ఎక్కడ?