అవి మృతదేహాలేనా?

సొరంగంలో కార్మికుల ఆనవాళ్లు గుర్తింపు.. జిపిఆర్ సాయంతో స్కానింగ్ టిబిఎం శకలాల వద్ద మెత్తని భాగాలు వదంతులు నమ్మొద్దన్న కలెక్టర్ సంతోష్

- 

సొరంగం బురదలో అన్వేషిస్తున్న రెస్క్యూ సిబ్బంది

మహబూబ్నగర్ బ్యూరో, నాగర్ కర్నూల్ ప్రతినిధి, ఫిబ్రవరి 28, ప్రభాతవార్తః సొరంగంలో చిక్కుకుకున్న ఆ ఎనిమిది మంది విషయంలో ఆశలు సన్నగిల్లినట్లే. అయిన ప్రభుత్వం మాత్రం తమ ప్రయత్నాలు మాత్రం ఆపడంలేదు. గ్రౌండ్ పెనెట్రేటింగ్ రాడార్ (జిపిర్) సాయంతో సొరంగంలో కార్మికుల ఆనవాళ్లు గుర్తించి నట్లు సమాచారం. అయితే అవి మృతదేహాలాకాదా అనే అనుమానాలు వ్యక్తమ వుతున్నాయి. ఆచూకీ లభ్యమైనప్పటికీ ప్రభుత్వం నుంచి మాత్రం ఎలాంటి అధి కారిక ప్రకటన రాలేదు. నాగర్ కర్నూల్ జిల్లా అమ్రాబాద్ మండలం దోమల పెంట ఎస్ఎల్బసి టన్నెల్లో సహాయకచర్యలు ముమ్మరంగా కొనసా గుతూనే ఉన్నాయి. ఎస్ఎల్టిసి టన్నెల్ ప్రమాదం జరిగి నేటికి ఏడు రోజులు గడిచింది. ఈరోజు రెస్యూ ఆపరేషన్లో కీలక పురోగతి కనిపించింది. టన్నెల్ లోపలికి వెళ్లేందుకు చేసిన అన్ని ప్రయత్నాలు విఫలమవ్వడంతో శుక్రవారం జిపిఆర్ స్కానింగ్ పరికరాన్ని పంపారు. ఈ పరికరం ద్వారా బురద లోపల ఉన్న శకలాలను సైతం గుర్తించవచ్చు. జిపిఆర్ పరికరం ద్వారా టన్నెల్ ప్రమాద ప్రాంతాలకు అత్యంత చేరువలో బురదలోపల మూడు మీటర్ల లోతులో ఉన్నా ఐదు ప్రాంతాల్లో కొన్ని శకలాలు గుర్తించినట్లు తెలిసింది. ఆ శకలాలు కార్మికుల మృతదేహాలుగా మొదట ప్రచారం జరిగింది. సోషల్ మీడియాలోనూ వార్తలు వచ్చాయి. నాగర్ కర్నూల్ కలెక్టర్ స్పందిస్తూ తప్పుడు వార్తలను నమ్మొద్దంటూ ప్రకటన వెలవరించారు.