નારોલમાં વોટ્સએપમાં મારવાની ધમકી આપનાર યુવકના મિત્રને 12 લોકોએ જાહેરમાં રહેંસી નાખ્યો

હત્યા: નારોલ પ્રગિતનગર રોડ પર અડધી રાત્રે લુખ્ખા તત્ત્વોનો હથિયારો સાથે આતંક પોલીસે ગણતરીના કલાકોમાં રાયોટિંગ અને હત્યાના આરોપીઓની અટકાયત કરી

- 

નારોલ પ્રગતિનગર રોડ પર શનિવારે રાત્રે કેટલાક અસામાજિક તત્ત્વોએ તોફાન મચાવ્યું હતું. એક યુવકે ટાઇગર નામના વોટ્સએપ ગ્રૂપમાં એક શખ્સને મારવાનો મેસેજ કર્યો હતો. જેથી તે શખ્સ અદાવત રાખીને તેના સાગરિતો સાથે મળીને યુવકને તેના મિત્ર સાથે રસ્તામાં રોકીને પીછો કર્યો હતો. ગાડીથી ટક્કર મારતા યુવક ઇજાગ્રસ્ત થયો હતો અને બાદમાં તે ખેતરમાં સંતાઇ ગયો હતો. જ્યારે તેનો મિત્ર એક જગ્યાએ સંતાઇ જતા શખ્સોએ તેને શોધીને હથિયારના ઘા મારી હત્યા કરી નાખી હતી. જેમામલે નારોલ પોલીસે હત્યા, હત્યાની કોશિષ અને રાયોટિંગની કલમો હેઠળ ગુનો નોંધી તમામ આરોપીઓની ગણતરીના કલાકોમાં અટકાયત કરી છે.