குற்றச்சாட்டுக்களை மறைக்கவே ஜனாதிபதி தனக்கு நெருக்கமானவரை நியமிப்பதற்கு தீவிர முயற்சி

கணக்காய்வாளர் நாயகம் பதவி தொடர்பில்- ஐ.ம.ச.எம்.பி. முஜிபுர் ரஹ்மான்

- பா. கிருபாகரன் - ந. ஜெயகாந்தன்

கடந்த 6 மாதங்களில் மாத்திரம் அரசாங்கத்துக்கு எதிராக பல குற்றச்சாட்டுக்கள் இருக்கின்றன. இந்த குற்றச்சாட்டுக்கள் அனைத்தும் புதிய கணக்காய்வாளரின் கணக்காய்வுக்கு ஜனவரி முதல் உள்வாங்கப்படுகின்றன. அதனால் குற்றச்சாட்டுக்களை மறைப்பதற்காக ஜனாதிபதி தனக்கு நெருக்கமான ஒருவரை கணக்காய்வாளர் நாயகம் பதவிக்கு நியமிக்க முயற்சிக்கிறார் என்ற சந்தேகம் எழுகின்றது.

தற்போது இரண்டாம் நிலையில் இருப்பவரின் பெயர் கம்மன்பில என்பதனால்தான் ஜனாதிபதிக்கு அவரின் பெயரை சிபாரிசு செய்ய விருப்பம் இல்லையோ தெரியாது என ஐக்கிய மக்கள் சக்தியின் கொழும்பு மாவட்ட எம்.பி. முஜிபுர் ரஹ்மான் தெரிவித்தார்.

பாராளுமன்றத்தில் நேற்று புதன்கிழமை இடம்பெற்ற 2023 ஆம் ஆண்டின் 09 ஆம் இலக்க ஊழல் எதிர்ப்புச் சட்டத்தின் கீழான ஒழுங்குவிதிகள் மீதான விவாதத்தில் உரையாற்றுகையிலேயே இவ்வாறு தெரிவித்த அவர் மேலும் பேசுகையில்,