பெருமாநல்லூர் கால்நடை மருத்துவமனையை உரிய முறையில் செயல்படுத்த விவசாயிகள் கோரிக்கை

புதர்மண்டி கிடக்கும் கட்டிடங்கள், குறித்த நேரத்திற்கு வராத மருத்துவர், உதவியாளர் இல்லாதது என அடுக்கடுக்கான பிரச்சனைகளுடன் செயல்படும் பெருமாநல்லூர் கால்நடை மருத்துவமனை உரிய முறையில் செயல்படுத்த அரசு நடவடிக்கை எடுக்க வேண்டும் என விவசாயிகள் கோரிக்கை வைத்துள்ளனர்.

- 

பெருமாநல்லூர், ஈட்டிவீரம்பாளையம், வள்ளிபுரம், பட்டம்பாளையம், சொக்கனூர், மேற்குபதி, தொரவலூர், காளிப்பாளையம், கணக்கம்பாளையம் ஆகிய பஞ்சாயத்திற்குட்பட்ட மக்களின் பிரதான தொழிலாக விவசாயம் மற்றும் கால்நடை வளர்ப்பு உள்ளது. இப்பகுதிக்கு முக்கிய கால்நடை மருத்துவமனை பெருமாநல்லூரில் அமைந்துள்ளது. இந்த மருத்துவமனையில் குறித்த நேரத்திற்கு மருத்துவர்கள் வருவதில்லை. கால்நடை மருத்துவமனை கட்டிடம் புதர் மண்டிக் கிடக்கிறது என விவசாயிகள் அடுக்கடுக்கான புகார் கூறினர்.