ஒன்றிய பாஜக அரசு மீண்டும் விவசாயிகளுக்கு அநீதி!

ஒன்றிய அரசு அறிவித்துள்ள வேளாண் விளைப்பொருட்களுக்கான குறைந்தபட்ச ஆதார விலை விவசாயிகளுக்கு பெருத்த ஏமாற்றத்தை அளித்திருப்பதாக தமிழ்நாடு விவசாயிகள் சங்கம் கூறியுள்ளது.

- 

இதுதொடர்பாக சங்கத்தின் மாநிலப் பொதுச்செயலாளர் சாமி.நடராஜன் அறிக்கை ஒன்றை விடுத்துள்ளார். அதில், அவர் கூறியிருப்பதாவது:

கடுமையான அதிகரித்த உரம், பூச்சிமருந்து விலைகள் ஒன்றிய அரசு அறிவித்துள்ள வேளாண் விளைப்பொருட்களுக்கான குறைந்தபட்ச ஆதார விலை விவசாயிகளுக்கு பெருத்த ஏமாற்றத்தை அளித்துள்ளது. ஒவ்வொரு ஆண்டும் வேளாண் உற்பத்திச் செலவுகள் அதிகரித்துக் கொண்டே வருகின்றன.

ஒன்றிய அரசின் வேளாண் விரோத கொள்கையின் விளைவாக ரசாயன உரங்கள், பூச்சிக்கொல்லி மருந்துகளின் விலைகள் பல மடங்கு உயர்ந்துள்ளன. வேளாண் கருவிகளின் வாடகை மற்றும் கூலி உயர்வு அதிகரித்துக் கொண்டே வரும் நிலையில் ஒன்றிய அரசு அறிவித்துள்ள 14 வேளாண் விளைப்பொருட்களுக்கான குறைந்தபட்ச ஆதார விலை உற்பத்தி செலவுடன் ஒப்பிடும் போது மிக மிக குறைந்த அளவிலேயே அறிவிக்கப்பட்டுள்ளது.