புதிய தொழில்நுட்பத் திறன்களைப் பெற நிறுவனங்கள், ஊழியர்களுக்கு உதவி

சிக்கலும் பிரச்சினைகளும் அதிகரித்து வரும் உலகில் சிங்கப்பூர் நிறுவனங்கள் உலக அரங்கில் போட்டித்தன்மையுடன் நீடிக்கத் தேவையான வாய்ப்புகளைப் பற்றிக்கொள்ள வேண்டும் என்றும் அதற்கு அரசாங்கம் உறுதுணை புரியும் என்றும் தெரிவிக்கப்பட்டுள்ளது.

- 

வர்த்தகம், மூலதனம், திறன் மற்றும் செழித்தோங்கத் தேவையான ஆற்றல்களை உள்ளூர் நிறுவனங்கள் பெறவும் அரசாங்கம் உதவி செய்யும்.

செயற்கை நுண்ணறிவு போன்ற புதிய தொழில்நுட்பங்களைப் பயன்படுத்துவதும் பசுமைப் பொருளியலிலும் மின்னிலக்கப் பொருளியலிலும் உருவாகி வரும் சந்தைகளைக் கவனத்தில் கொள்வதும் புதிய வாய்ப்புகளில் அடங்கும்.

சிங்கப்பூரின் பொருளியல் திட்டங்களைப் புதுப்பிக்கத் தேவையான முன்னேற்பாட்டு நடவடிக்கைகளை வர்த்தக, தொழில் அமைச்சு, மனிதவள அமைச்சு, சிங்கப்பூர் நாணய ஆணையம், பிரதமர் அலுவலகத்தின்கீழ் செயல்படும் தேசிய ஆய்வு அறநிறுவனம் ஆகியன நேற்று (அக்டோபர் 16) அறிவித்தன.

அதிபர் தர்மன் சண்முகரத்னம் நாடாளுமன்றத்தில் ஆற்றிய தொடக்க உரையின் பிற்சேர்க்கையில் அந்த அறிவிப்பு இடம்பெற்றுள்ளது.