மகாராஷ்டிரா: மகளிர் உரிமைத் தொகை திட்டத்தில் பெரும் மோசடி

மகாராஷ்டிராவில் செயல்படுத்தப்படும் மகளிர் உரிமைத் தொகைத் திட்டத்தில் பெரும் மோசடி நடந்துள்ளது தெரியவந்துள்ளது.

- 

இது ஆளும் பாஜக கூட்டணிக்கு சிக்கல் ஏற்படுத்தியுள்ளது.

‘லட்கி பெஹன் யோஜனா' என்ற பெயரில், மகளிர் உரிமைத் திட்டத்தை அறிவித்தது அம்மாநில அரசு.

ஆனால், 14,000 ஆண்கள் இத்திட்டத்தின்கீழ் நிதிச் சலுகையைப் பெற்றிருப்பது தற்போது அம்பலமாகி உள்ளது.

மொத்தம் 14,298 ஆண்களுக்கு ரூ.21.44 கோடி தொகை வழங்கப்பட்டதாகவும் 26 லட்சம் போலிப் பயனர்கள் இருப்பதாகவும் தணிக்கை அறிக்கையில் குறிப்பிடப்பட்டுள்ளது.

இது தொடர்பாக செய்தி வெளியிட்டுள்ள என்டிடிவி செய்தி ஊடகம், திட்டம் தொடங்கப்பட்ட பத்து மாதங்களுக்குப் பிறகே இந்த முறைகேடு குறித்து தெரிய வந்திருப்பதாகக் கூறியுள்ளது.