கல்வியும் கல்விப்புலம் சார்ந்தோரின் வகிபங்குகளும்

21ஆம் நூற்றாண்டுக் கல்வியில் புதுப்பரிமாணம் அடைந்த துறைகளுள் ஆசிரியர் வகிபாகமானது பல்வேறு புதிய மற்றும் விரிவான பணிகளை உள்ளடக்கியதாக முக்கியத்துவம் பெற்றுள்ளது.

- சிவசாமி மனோகரன், ஓய்வு நிலை சிரேஷ்ட விரிவுரையாளர், மகாவலி தேசிய கல்வியியற் கல்லூரி.

இந்நூற்றாண்டில் ஆசிரியர்கள் மரபுவழியிலான அறிவை வழங்கும் நடைமுறைகளிலிருந்து முற்றாக வேறுபட்டு கற்றலுக்கு வசதியளிப்பவர்களாக தம்மை அமைத்துக் கொண்டுள்ளனர். இவ்வாறு ஆசிரிய வகிபாகத்தின் புதிய பரிமாணங்களாக பின்வருவனவற்றைக் குறிப்பிடலாம்.

வசதியளிப்பவர் (Facilitator): இவ்வகிபாகத்தின் போது, ஆசிரியர்கள், மாணவர்கள் தமது சொந்த கண்டுபிடிப்புக்களை மேற்கொள்ளும் வகையில் அவர்களது விரிசிந்தனையைத் தூண்டி ஆக்கத்திறனை விருத்தி செய்வதற்கு உதவுகின்றனர். மாணவர்கள் பாடவிடயக் கருத்துக்களை ஆழமாகப் புரிந்து கொள்ளவும் அவரகள் வழிகாட்டுகின்றனர்.

கூட்டுப்பணியாளர் (Collaborator): ஆசிரியர்கள் மாணவர்களது கற்றற்பணிக்கு ஆதரவு வழங்கும் வகையில் சக பணியாளர்கள்இ பெற்றோர்கள் மற்றும் சமூகத்தினருடன் இணைந்து பணியாற்றுவர். இதன்பேர்து கூட்டிணைவு வலுப்பெறும் வகையில் செயலாற்றுவர்.

பயிற்சியாளர் (Trainer) : மாணவர்கள் தாமாகவே தமது பலம்இ பலவீனங்களை இனங்கண்டு கொள்ளவும் இலக்குகளை நிர்ணயித்துக் கொள்ளவும் அவர்களது செயற்றிறனை மேம்படுத்தவும் உதவுகின்றனர்.

வழிகாட்டியாளர் (Counceller): இதன் போது, மாணவர்களது கல்விச் செயற்பாடுகளின் போதும் மற்றும் தனிப்பட்ட சவால்களின் போதும் அவர்களுக்கு ஆதரவு வழங்குவதோடு வழிகாட்டல்களையும் வழங்குவார்.

எண்மான வடிவமைப்பாளர் (Digital Designer): இவ்வகிபாகத்தின் போது, ஆசிரியரானவர் எண்மான எழுத்தறிவுக் கருவிகளையும் தொழில்நுட்பத்தினையும் ஒருங்கிணைப்பவராகத் தொழிற்படுவதோடு தொழில்நுட்பக் கருவிகளையும் வளங்களையும் திறமையாகக் கையாண்டு கற்றல் அனுபவங்களை மேம்படுத்துவார்.

மதிப்பீட்டாளர் (Evaluator): மாணவர்களது கற்றல் கற்பித்தலின் போது அவர்களது கற்றலைறும் விருத்தியையும் அளவிட புதிய பயனுள்ள கணிப்பீட்டு மதிப்பீட்டு செயன்முறைகளை வடிவமைத்துப் பயன்படுத்துவார்.

ஆக்கத்திறனுடையவர் (Creative): இவர் கற்பித்தலில் புதுமையை ஏற்படுத்தி மாணவரிடையே கற்றலில் ஈர்ப்பை உண்டாக்குபவராக விளங்குவார். மற்றும் சிறந்த கதை கூறுபவராகவும் (Story Teller) தொழிற்படுவார்.