உளவளத்துணையின் பங்கு

மனதலம் என்பது ஒருவரின் ஒட்டுமொத்த நல்வாழ்வில் முக்கிய பங்கு வகிக்கிறது.

- அப்சா ஹமீது, உளவியல் துறை, மூன்றாம் வருடம், யாழ்ப்பாண பல்கலைக்கழகம்.

உடல்நலம் எவ்வளவு முக்கியமோ, அதே அளவுக்கு மனநலமும் அத்தியாவசியமானது. நவீன உலகில் வேகமாக மாறிவரும் வாழ்க்கை முறை, போட்டி நிறைந்த சூழல், சமூக அழுத்தங்கள் மற்றும் தனிப்பட்ட சவால்கள் போன்ற காரணங்களால் மனநலப் பிரச்சினைகள் அதிகரித்து வருகின்றன.

மனச்சோர்வு, பதட்டம், மன அழுத்தக் கோளாறுகள், உறவுச் சிக்கல்கள், தற்கொலை எண்ணங்கள் போன்றவை மனநலப் பிரச்சிளைகளின் சில எடுத்துக்காட்டுகளாகும். இந்தச் சூழலில், உளவளத்துணை (Cownselling) ஒரு அத்தியாவசியமான சேவையாக உருவெடுத்துள்ளது. உளவளத்துணை என்பது தனிநபர்களின் மனநல சவால்களை எதிர்கொள்ளவும், அவர்களின் உளவியல் நலனை மேம்படுத்தவும் உதவும் ஒரு நிபுணத்துவ செயல்முறையாகும்.

இது ஒரு தனிநபரின் எண்ணங்கள், உணர்வுகள் மற்றும் தடத்தைகளைப் புரிந்துகொள்ளவும், ஆரோக்கியமான சமாளிக்கும் வழிமுறைகளை உருவாக்கவும், வாழ்க்கையின் நோக்கத்தைக் கண்டறியவும் உதவுகிறது.

உளவளத்துணை, தனிநபர்கள் தங்கள் பிரச்சினைகளைத் திறம்பட எதிர்கொள்ளவும், உள் வலிமையைக் கண்டறியவும், மேலும் திறைவான வாழ்க்கையை வாழவும் ஒரு பாதுகாப்பான மற்றும் ஆதரவான சூழலை வழங்குகிறது.

உளவளத்துணை என்பது ஒரு சிகிச்சையாளர் மற்றும் சேவையைப் பெறுபவர் ஆகியோருக்கிடையேயான ஒரு நம்பிக்கை மற்றும் புரிந்துணர்வு உறவை அடிப்படையாகக் கொண்டது. இந்த உறவு, சேவையைப் பெறுபவர் பாதுகாப்பாகவும், திறந்த மனதுடனும் தங்கள் பிரச்சினைகளைப் பகிர்ந்து கொள்ள உதவுகிறது.