Mamre werk hard en klop Samoa

Mamre en Moorreesburg (Samoa) het mekaar die afgelope Saterdag (24 Mei) die eerste keer in agt jaar weer in 'n Boland-grootuitdaagbekerwedstryd van die Swartlandstreek ontmoet. Die kragmeting het voor 'n volgepakte skare in Mamre afgeskop, met Mamre gretig om terug te bons ná hul noue nederlaag teen Saron.

- David Rossouw

Mamre het uit die staanspoor beheer geneem veral in die vasteskrums en vroeg druk op Samoa geplaas. Die eerste toets vir Samoa het gekom toe die skeidsregter ná 'n vorentoe aangee naby Samoa se doellyn 'n vasteskrum aan Mamre toegeken het. Mamre se pak het met krag ingesak, en toe Brian Prins die bal inrol, het Lathan Okkers, Samoa teruggedwing, wat tot 'n strafdrie en 'n geelkaart vir Johnathan Pretorius gelei het.

Samoa het egter vinnig geantwoord. Heirich Boois het 'n strafskop oorgeskop om die telling na 3-7 te verklein, waarna 'n strafdrie aan Samoa toegeken is weens 'n beweerde obstruksie deur Mamre. Met 'n strafskop en 'n doelgerigte aanval het Samoa die telling gou tot 18-14 in sy guns gerek.