ఇక గర్భిణీలకు రూ.5వేలు సాయం

• మరో పథకం అమలుకు రెడీ అవుతున్న ప్రభుత్వం.. ప్రధాన మంత్రి మాతృ వందన యోజన పథకాన్ని రాష్ట్రంలో అమలుకు నిర్ణయం రెండో కాన్పులో ఆడపిల్ల పుడితే అదనంగా రూ.6 వేలు

- 

ఈ పథకం అమలు బాధ్యతలను పర్యవేక్షించనున్న శిశు సంక్షేమ శాఖ

హైదరాబాద్: తెలంగాణలో గర్భిణులు, బాలింతలకు ఆర్థిక చేయూతనిచ్చేందుకు రేవంత్ సర్కార్ కీలక నిర్ణయం తీసుకుంది. కేంద్ర ప్రభుత్వం తీసుకువచ్చిన ప్రధాన మంత్రి మాతృ వందన యోజన పథకాన్ని రాష్ట్రంలోనూ అమలు చేయాలని భావిస్తోంది. దీని ద్వారా తొలి కాన్పునకు రూ.5 వేలు, రెండో కాన్పులో ఆడపిల్ల పుడితే అదనంగా రూ.6 వేలు అందజేయనున్నారు. ఈ పథకం అమలు బాధ్యతలను శిశు సంక్షేమ శాఖ పర్యవేక్షించనుంది. దీని అమలు కోసం అధికారులు ప్రతిపాదనలు రెడీ చేస్తున్నారు.