ఇండియా కూటమిలో చీలికలు?

• 10 స్థానాల్లో విపక్ష పార్టీల ఢీ- ఆర్జేడీ, కాంగ్రెస్, సీపీఐ, అమీతుమీ! • బీహార్ ఎన్నికల సంగ్రామంలో అనూహ్య మలుపు

- 

పట్నా: బిహార్ ఎన్నికల సంగ్రామం అనూహ్య మలుపు తీసుకుంది. విపక్ష ఇండియా (మహా ఘట్బంధన్) కూటమిలో చీలిక ఏర్పడింది. రాష్ట్రంలోని 243 అసెంబ్లీ సీట్లను పంచుకునే అంశంలో కూటమిలోని పార్టీలు ఏకాభిప్రాయాన్ని సాధించలేకపోయాయి.

పర్యవసానంగా 10 సీట్లలో విపక్ష పార్టీలు కూటమి ఐక్యతను పక్కన పెట్టి, తమకు ఇష్టమైన అభ్యర్థులను రంగంలోకి దింపాయి. నాలుగు చోట్ల లాలూ ప్రసాద్ యాదవ్ రాజకీయ పార్టీ ఆర్జేడీని మిత్రపక్షం కాంగ్రెస్ ఢీకొంటోంది. మరో నాలుగు చోట్ల మిత్రపక్షం సీపీఐకి పోటీగా కాంగ్రెస్ అభ్యర్థులను బరిలోకి దింపింది. ఇంకో రెండు చోట్ల ఆర్జేడీతో మిత్రపక్షం వీఐపీ తలపడుతోంది. తొలివిడత పోలింగ్ జరగనున్న 121 స్థానాల్లో నామినేషన్ల ఉపసంహరణ గడువు సోమవారం (అక్టోబరు 20)తో ముగియనుంది. రాబోయే 24 గంటల్లో ఏం జరగబోతోంది ? విపక్ష కూటమిలోని పార్టీలు 10 సీట్లలో పరస్పర పోటీకి రెడీ అవుతాయా ? సయోధ్య కుదుర్చుకొని కూటమి తరఫున ఉమ్మడి అభ్యర్థులను నిర్ణయిస్తాయా? రాజకీయంగా సున్నితమైన ఈ సీట్లలో ఏం జరగబోతోంది ? ఈ కథనంలో తెలుసుకుందాం.

అంతర్గత పోరు : 10 స్థానాల్లో 'విపక్ష' అభ్యర్థుల ఢీ

1.కహల్గావ్లో కలహం : బిహార్లోని కహల్గావ్ అసెంబ్లీ స్థానంలో రజనీష్ యాదవ్ను ఆర్జేడీ బరిలోకి దింపింది. కాంగ్రెస్ నుంచి ప్రవీణ్ కుశ్వాహ నామినేషన్ వేశారు.

2. లాల్గంజ్లో జంగ్ : లాల్గంజ్ అసెంబ్లీ సీటులో మున్నా శుక్లా కుమార్తె శివానీ శు క్లాకు ఆర్జేడీ టికెట్ ఇచ్చింది. ఆమెపై కాంగ్రెస్కు చెందిన ఆదిత్య కుమార్ రాజా నామినేషన్ వేశారు.

3. వైశాలిలో సమరం : వైశాలి స్థానంలో అజయ్ కుష్వాహాకు ఆర్జేడీ టికెట్ ఇచ్చింది.

కాంగ్రెస్ నుంచి సంజీవ్ కుమార్ నామినేషన్ దాఖలు చేశారు.

4. వార్సలిగంజ్లో హెూరా హోరీ : నవాడా జిల్లాలోని వార్సలిగంజ్ స్థానంలో కాంగ్రెస్ నేత మంతన్ సింగ్ నామినేషన్ వేశారు. ఆర్జేడీ నుంచి అనితా దేవి బరిలోకి దిగారు.

5. బచ్వారాలో వార్ : బెగుసరాయ్లోని బచ్వారా స్థానంలో సీపీఐ నేత అవధేష్ రాయ్ నామినేషన్ వేశారు. కాంగ్రెస్ నుంచి బిహార్ రాష్ట్ర యువజన కాంగ్రెస్ అధ్యక్షుడు శివ ప్రకాష్ అలియాస్ గరీబ్ దాస్ బరిలోకి దిగారు.