Heidelberg United val vas teen Mosselbaai in seisoenopening

Die nuwe krieketseisoen het Saterdag vir Heidelberg Unitedkrieketklub glad nie goed afgeskop nie.

- Clive Pretorius

Hulle is op hul tuisveld deur Mosselbaai-krieketklub met twee paaltjies tydens hul SWDK Garden Route Badgers Promosieligawedstryd, kafgedraf.

United, wat nie op volle sterkte was as gevolg van vyf gereelde spelers wat nog rugby asook werksverpligtinge het, het die loot verloor en is deur die besoekers ingestuur om te kolf.

Die besluit het aanvanklik goed gelyk aangesien hul aanvangskolwers, bestendig gelyk het voor die paaltjies.

Dit wou voorkom of hulle gemaklik 'n teiken van 250 plus sou stel, maar is hulle na 33.5 beurte almal uit vir 180 lopies. Hier kan 'n paar kolwers blameer word dat hulle hul paaltjies goedkoop verloor het.

Vir United het Garth Pieterse, met sy 68 vanaf 78 balle wat ses viere ingesluit het, die beste met die wilgerlat gevaar.