Seagulls stoomroller Harlequins

Seagulls het Saterdag 13 September die seisoen op 'n hoogtepunt afgesluit toe hulle Harlequins van Oudtshoorn met al drie spanne kous oor die kop huis toe gestuur het.

- Johan Victor

As hulle die hele seisoen hierdie tipe rugby gespeel het sou hulle beslis bo aan die punteleer vir die uitspeelrondes gekwalifiseer het.

Anré Vermeulen, wat finaal sy rugbystewels opgehang het, het die A-span op die veld gelei en hier kon mens al aanvoel dat hierdie spesiale klomp spelers vandag vir mekaar en hulle ondersteuners speel.

Van die afskop af het hulle die hele veld vol gespeel en hulle balverspreiding en samespel was iets om te aanskou.