Home Based Care-studente slaag met lof

Daar kom 'n stadium in meeste mense se lewens waar hulle nie meer na hulself kan omsien nie en dit is nie net ouer mense wat hierdeur geraak word nie. As gevolg van mediese redes kan jongmense ook getref word en dan is daar basies drie opsies wat gevolg kan word.

- Johan Victor

Die familie van so 'n persoon kan besluit om die versorging self te hanteer, die persoon kan in 'n versorgingsoord geplaas word of tuisversorging, waar 'n versorger na die woning toe kom, is die ander opsie.

Stilbaai met sy groot aantal ouer persone het 'n behoefte aan versorgers, hetsy vir tuisversorging of dan by versorgingsoorde en daarom is dit belangrik dat sulke versorgers voortdurend opgelei word om in die vraag te voorsien.