Meer as 2 500 stroom na sportnaweek

Laerskool Volschenk se jaarlikse Superspar-sportnaweek het vanjaar vir die 22ste keer plaasgevind, en meer as 2 500 deelnemers en ondersteuners na die dorp gelok.

- Ben Snyman

Wat in 2002 as 'n skamele toernooi met slegs ses deelnemende skole begin het, het oor die jare gegroei tot een van die grootste wintersportgeleenthede vir laerskole in die streek. Vanjaar het 25 skole van regoor die Wes-Kaap deelgeneem.

Die skoolen sportterrein was 'n miernes van aktiwiteit waar rugbyen netbalspanne mekaar die stryd aangesê het. Volgens die waarnemende hoof van Laerskool Volschenk, Michelle Marais, is hierdie sportnaweek jaarliks die hoogtepunt op hul sportkalender.