મુખ્યપ્રધાનના હસ્તે વાઈબ્રન્ટ ગુજરાત રિજનલ કોન્ફરન્સનું ઉદ્ઘાટન કરાયું

વડોદરામાં કેન્દ્રીય પ્રધાન મનોહરલાલ ખટ્ટરની વિશેષ ઉપસ્થિતિઃ નાયબ મુખ્યપ્રધાન હર્ષ સંઘવી પણ હાજર

- 

વડોદરાની જીએસએફસી યુનિવર્સિટી ખાતે આજે બે દિવસીય વાઇબ્રન્ટ ગુજરાત રિજનલ કોન્ફરન્સ (VGRC) મધ્ય ગુજરાતનું ભવ્ય આયોજન કરવામાં આવ્યું છે. આ કોન્ફરન્સનું ઉદઘાટન સવારે દસ કલાકે મુખ્યપ્રધાન ભૂપેન્દ્ર પટેલના હસ્તે કરવામાં આવ્યું છે. આ પ્રસંગે કેન્દ્રીય વિદ્યુત, આવાસ અને શહેરી બાબતોના પ્રધાન મનોહરલાલ ખટ્ટર વિશેષ ઉપસ્થિત રહ્યા હતા. ઉપરાંત રાજ્યના નાયબ મુખ્યપ્રધાન હર્ષ સંઘવી સહિત રાજ્ય સરકારના વરિષ્ઠ અધિકારી, ઉદ્યોગપતિ, રોકાણકારો, વિવિધ ક્ષેત્રોના પ્રતિનિધિ અને ઉદ્યોગજગત સાથે સંકળાયેલા આગેવાન પણ કાર્યક્રમમાં હાજર હતા.