બે વખત પેરોલ જમ્પ કરવા છતાં પણ હેમંત મોદી ‘ભાગેડુ’ જાહેર ના થયો!

નેશનલ પ્રિઝન પોર્ટલમાં નામ જ નહોતુંઃ જેલ અને પોલીસ વચ્ચેના સંકલનમાં અનેક ગંભીર ખામીઓ બહાર આવી

- 

ચકચારી બનેલા અભિનેતા હેમંત મોદી કેસમાં હવે જેલતંત્ર અને પોલીસ વચ્ચેના સંકલનમાં ગંભીર ખામીઓ હોવાની ચોંકાવનારી વિગતો સામે આવી છે. અભિનેતા હેમંત નગીનદાસ મોદીએ બે વખત પેરોલ/ફર્લો જમ્પ કર્યા હોવા છતાં તેનું નામ નેશનલ પ્રિઝન પોર્ટલમાં ‘ભાગેડુ’ (એક્કોન્ડર) તરીકે નોંધાયું જ નહોતું. ગુજરાત પોલીસે સ્વીકાર્યું છે કે પોર્ટલમાં નામ ન હોવાના કારણે જ હેમંત મોદી લગભગ ૧૨ વર્ષ સુધી પોલીસની નજરથી દૂર રહી શક્યો હતો. હત્યાકેસમાં આજીવન કેદની સજા ભોગવતો હોવા છતાં તે આ સમયગાળા દરમિયાન ફિલ્મોમાં પણ સક્રિય રહ્યો હતો.