આગામી ૧૦ કલાકમાં આઠ રાજ્યમાં વરસાદ અને વાવાઝોડું ભુક્કા બોલાવશેઃ એલર્ટ જારી

ભરશિયાળે હવામાનમાં આવી રહેલા મોટા પલટા લોકોની મુસીબત વધારી રહ્યા છે.

- 

ભરશિયાળે હવામાનમાં આવી રહેલા મોટા પલટા લોકોની મુસીબત વધારી રહ્યા છે. આજે વહેલી સવારે ભારતીય હવામાન વિભાગ (આઇએમડી)એ મોટી આગાહી કરતાં જણાવ્યું છે કે આગામી ૧૦ કલાકમાં દેશનાં આઠ રાજ્યમાં વરસાદ અને વાવાઝોડું રીતસર ભુક્કા બોલાવી દશે. હવામાન વિભાગની આ આગાહી બાદ સ્થાનિક તંત્ર દ્વારા એલર્ટ પણ જારી કરી દેવામાં આવ્યું છે.

હવામાન વિભાગે આગામી ૧૦ કલાકમાં આઠ રાજ્યો માટે ફરીથી ચેતવણી જારી કરી છે, જેના કારણે લોકોની મુશ્કેલીઓમાં વધારો થવાની ધારણા છે. આઇએમડીએ જણાવ્યું છે કે આ દરમિયાન ૪૦થી ૫૦ કિલોમીટર પ્રતિ કલાકની ઝડપે પવન ફૂંકાઈ શકે છે. ઉત્તર ભારતના ૧૭ જિલ્લાઓમાં શીતલહેરથી સ્થિતિ બગડી શકે છે. પર્વતીય રાજ્યોમાં ભારે હિમવર્ષાના કારણે પ્રવાસીઓએ સાવધ રહેવું પડશે.