અમદાવાદમાં આગામી સપ્તાહથી કોલ્ડવેવ કહેર મચાવશેઃ રેકોર્ડબ્રેક ઠંડીની આગાહી

૧૧ ડિગ્રી સાથે નલિયા આજે પણ સૌથી ઠંડું: અમદાવાદમાં ૧૬.૮ ડિગ્રી ઠંડી નોંધાઈ

- 

રાજ્યભરમાં ફરી એક વખત ઠંડીએ ધીમા પગલે જોરદાર જમાવટ કરી છે. ભરશિયાળે પણ માવઠાની શક્યતા અને અરબ સાગર તથા બંગાળની ખાડીમાં સર્જાયેલા લો પ્રેશર એરિયાના કારણે થોડા દિવસ સુધી શિયાળાની સ્પીડ જાણે ઘટી ગઈ હોય તેવું લાગી રહ્યું હતું, પરંતુ છેલ્લા ૨૪ કલાક દરમિયાન રાજ્યના હવામાનમાં મોટો પલટો આવ્યો છે અને ઠંડીની તીવ્રતામાં ખાસ્સો વધારો થયો છે. હવામાન વિભાગના જણાવ્યા અનુસાર મોટા ભાગનાં સ્થળોએ લઘુતમ તાપમાનમાં કોઈ ખાસ મોટો ઘટાડો થયો નથી, પરંતુ હવામાન ઓચિંતુ જ સૂકું થઈ જતાં ઠંડી વધી ગઈ છે.