NOG GEEN ARRESTASIES NA BABA-BRAND NIE

Stilswye heers in Dysselsdorp na die grutoneel verlede week waar iemand 'n baba in 'n swart sak vol vullis aan die brand gesteek het.

- LIEZL VAN NIEKERK

Dié grufonds is verlede Donderdagmiddag, 15 Mei, deur kinders in die Asla-woonbuurt gemaak. Die voorval het plaasgevind in 'n sloot wat in die veld teen die woonbuurt loop. Niemand is nog in hegtenis geneem nie, en die ma van die kind is ook nie opgespoor nie.

Sersant Chris Spies, Suid-Kaapse polisiewoordvoerder, het gesê dat niemand nog in verband met die voorval in hegtenis geneem is nie.

"Die ondersoek na hierdie saak is steeds aan die gang. Die ondersoekbeampte, sers. Daniel April, het die publiek versoek om vorendag te kom met enige inligting wat die polisie kan help om die moeder op te spoor. Enigiemand met inligting kan hom by 079 893 9962 kontak."