தவெகவை ஆட்சி அமைக்க அழைக்காத ஆளுநருக்கு எதிர்ப்பு: தமிழகம் முழுவதும் காங்கிரஸ் கட்சியினர் பிரம்மாண்ட ஆர்ப்பாட்டம்!

தமிழக சட்டமன்றத் தேர்தலில் தனிப்பெரும் கட்சியாக உருவெடுத்துள்ள தமிழக வெற்றிக் கழகத்தை (தவெக) ஆட்சி அமைக்க அழைக்க மறுக்கும் ஆளுநரின் போக்கைக் கண்டித்து, தமிழ்நாடு காங்கிரஸ் கமிட்டி சார்பில் மாநிலம் தழுவிய அளவில் இன்று கண்டன ஆர்ப்பாட்டங்கள் நடைபெற்றன.

- 

இதன் ஒரு பகுதியாக, சென்னை அண்ணாசாலையில் தமிழக காங்கிரஸ் கமிட்டி தலைவர் செல்வப்பெருந்தகை தலைமையில் மாபெரும் ஆர்ப்பாட்டம் நடைபெற்றது. இதில் கலந்து கொண்ட காங்கிரஸ் நிர்வாகிகள் ஆளுநருக்கு எதிராக கோஷங்களை எழுப்பினர்.ஆர்ப்பாட்டத்தில் உரையாற்றிய கிரிஷ் சோடங்கர் கூறியதாவது: தமிழகத்தில் பல அரசியல் கட்சிகளும் தலைவர்களும் பகல் நேரங்களில் பாஜக மற்றும் ஆர்எஸ்எஸ் அமைப்புகளை எதிர்ப்பது போலப் பாசாங்கு செய்துவிட்டு, இரவு நேரங்களில் அவர்களுடனேயே ரகசியப் பேச்சுவார்த்தைகளில் ஈடுபட்டு விருந்துண்டு மகிழ்கின்றனர். தமிழக மக்களின் விருப்பத்திற்கு மாறாக, பாஜக மற்றும் ஆர்எஸ்எஸ் அமைப்புகளின் ஆட்சியைத் தமிழகத்தில் திணிக்க முயலும் இத்தகைய போலி அரசியல்வாதிகளின் முகத்திரையைக் கிழிக்க வேண்டிய சரியான தருணம் இது. நடந்து முடிந்த தேர்தல் முடிவுகளைத் தமிழக காங்கிரஸ் கமிட்டியும் டெல்லி மேலிடமும் கூர்ந்து கவனித்து. தேர்தல் களத்தில் காங்கிரஸ் கட்சி, திமுக கூட்டணியில் இருந்தபோதிலும், தேர்தல் முடிவுகளுக்குப் பிறகு மக்களின் தீர்ப்பு யாருக்குச் சாதகமாக இருக்கிறது என்பதையே தாங்கள் ஆராய்ந்தோம். அந்த வகையில