રાજકોટમાં પતિએ ટૂકથી પત્ની, તેના પ્રેમી અને 10 વર્ષના બાળકને કચડી નાખ્યાં

પહેલી નજરે અકસ્માત જણાતી ઘટના ટ્રિપલ મર્ડર હોવાનું ખૂલ્યું: પતિની ધરપકડ

- 

રાજકોટમાં આજીડેમ ચોકડી નજીક આજે સાંજે એક અકસ્માતમાં મહિલા, બાળક તથા એક યુવકનું મોત થયું હતું. પહેલી નજરે આ બનાવ અકસ્માતનો જણાતો હતો. પરંતુ પોલીસે ત્વરિત તપાસ કરીને આ બનાવ અકસ્માત નહીં, પણ ટ્રિપલ મર્ડર હોવાનો ભેદ ખોલી નાંખ્યો છે. ખુદ પતિએ જ ટ્રક નીચે પત્ની, તેના પ્રેમી અને 10 વર્ષના બાળકને ચગદી નાખ્યા હોવાનું પ્રાથમિક તપાસમાં ખૂલ્યું છે. પોલીસે ગણતરીની કલાકોમાં જ આરોપીને ઝડપી લઈ કાનૂની કાર્યવાહી શરૂ કરી છે.