நாமக்கல் கவிஞர் ராமலிங்கம் அரசு மகளிர் கலைக் கல்லூரியில் உயர்கல்வி பயிற்சி திட்டம்: ஆட்சியர் தொடங்கி வைத்தார்

நாமக்கல் மாவட்டம், நாமக்கல் கவிஞர் இராமலிங்கம் அரசு மகளிர் கலைக் கல்லூரியில் மாவட்ட ஆட்சித்தலைவர் துர்காமூர்த்தி புதிதாக சேரும் மாணவியர்களுக்கான உயர்கல்வி குறித்த ஒருவார கால அறிமுகப் பயிற்சி திட்டத்தினை தொடங்கி வைத்தார்.

- 

பின்னர் மாவட்ட ஆட்சித்தலைவர் தெரிவித்ததாவது, 2025-26 ஆம் கல்வியாண்டில் அரசு கலை மற்றும் அறிவியல் கல்லூரிகளில் புதிதாக சேரும் மாணாக்கர்களுக்கு உயர்கல்வி குறித்த அரசின் திட்டங்களையும், கல்லூரி சார்ந்த அனைத்து தகவல்கள் மற்றும் விதிமுறைகளையும் எடுத்துரைக்கும் வகையில் ஒருவார கால அறிமுகப் பயிற்சி திட்டம் இன்று தொடங்கி வைக்கப்பட்டுள்ளது. உயர்நிலைப் பள்ளியிலிருந்து உயர்கல்வி சூழலுக்கு மாணவர்கள் சீராக மாறுவதற்கும். அவர்களின் கல்லூரிப் பயணத்தை வெற்றிகரமாக வழிநடத்த தேவையான தகவல்களைப் பெறுவதற்கும் வடிவமைக்கப்பட்ட விரிவான திட்டமாகும்.