123 பயனாளிகளுக்கு ரூ.28.66 லட்சம் மதிப்பீட்டில் நலத்திட்ட உதவி வழங்கல்

ஈரோடு மாவட்டம், பெருந்துறை வட்டத்திற்குட்பட்ட திருவாச்சி, முள்ளம்பட்டி, திங்களூர், சீனாபுரம், மூங்கில்பாளையம் ஆகிய ஊராட்சிகளில் மக்களுடன் முதல்வர் திட்டத்தின் மூலம் நடைபெற்ற சிறப்பு முகாம்களை' திரு.சு.முத்துசாமி மாண்புமிகு வீட்டுவசதி, மதுவிலக்கு மற்றும் ஆயத்தீர்வைத்துறை அமைச்சர் திரு.சு.முத்துசாமி அவர்கள் மற்றும் மாண்புமிகு ஆதிதிராவிடர் நலத்துறை அமைச்சர் டாக்டர்.மா. மதிவேந்தன் அவர்கள் ஆகியோர் பார்வையிட்டு, 123 பயனாளிகளுக்கு ரூ.28.66 லட்சம் மதிப்பீட்டில் அரசு நலத்திட்ட உதவிகளை வழங்கினார்கள்.

- 

இந்நிகழ்ச்சியில் வீட்டுவசதி, மதுவிலக்கு மற்றும் ஆயத்தீர்வைத்துறை அமைச்சர் தெரிவிக்கையில், தமிழ்நாடு முதலமைச்சர் உத்தரவிற்கிணங்க, ஈரோடு மாவட்டத்தில் மக்களுடன் முதல்வர் திட்டத்தின் மூலம் சிறப்பு முகாம்கள் நடைபெற்று வருகிறது. இதில் 15 அரசுத்துறை சார்ந்த 44 சேவைகள் அடையாளம் காணப்பட்டு, அதற்கு உரிய தீர்வு காணும் வகையில், இம்முகாமானது ஏற்பாடு செய்யப்பட்டுள்ளது. அந்த வகையில் நேற்று பெருந்துறை தொகுதிக்குட்பட்ட துடுப்பதி, நிச்சாம்பாளையம், பாண்டியம்பாளையம், ஈங்கூர், கூத்தம்பாளையம் ஆகிய 5 ஊராட்சிகளில் நடைபெற்ற முகாமில், 900க்கும் மேற்பட்ட மனுக்கள் பெறப்பட்டு, இதில் 82 மனுக்களுக்கு உடனடி தீர்வு காணப்பட்டுள்ளது. மீதமுள்ள மனுக்களுக்கு 30 நாட்களுக்குள் தீர்வு காண நடவடிக்கை மேற்கொள்ளப்படும். அதனைத் தொடர்ந்து, இன்றைய தினம் பெருந்துறை வட்டத்திற்குட்பட்ட திருவாச்சி, முள்ளம்பட்டி, திங்களூர், சீனாபுரம், மூங்கில்பாளையம் ஆகிய ஊராட்சிகளில் நடைபெறுகிறது.