Arende jaag tyd én talent

Die SWD Arende se rugbyspens vul stadig maar seker op, maar die tyd om 'n mededigende groep vir 2026 gereed te kry, raak gevaarlik min.

- Hugo Redelinghuys

Só sê Heyneke Meyer, hoofafrigter van die Arende, oor die werwingsproses wat nou momentum optel, maar teen finansiële en tydsdruk vasloop.

Een van Meyer se nuutste twee aanwinste is Abner van Reenen, die voormalige Stormers-losskakel wat ook in Italië en Rusland sy hand aan oorsese rugby gewaag het, en wat ewe gemaklik op losskakel of senter kan funksioneer.

Saam met hom sluit Rene Lucas aan - 'n dinamiese vleuel wat sy tande by die Bulle en Boland geslyp het en vanjaar vir Boland se Top 12 Klubspan van die Jaar gekies is.

Meyer wil 'n oefengroep van 32 spelers vir 2026 finaliseer. Die prioriteit is om die Arende se diepte op skrumskakel, losskakel en senter te versterk.

Maar om die regte spelers te kry, is nie eenvoudig nie, sê Meyer.