இந்தியா-வங்கதேசம் எல்லைப் பேச்சு: அதிகாரிகள் மீதான தாக்குதல் குறித்து முறையீடு

இந்தியா-வங்கதேசம் இடையேயான எல்லைப் பேச்சுவார்த்தை வியாழக்கிழமை நிறைவடைந்தது.

- 

புது தில்லி, ஆக.28:

இந்திய எல்லை பாதுகாப்புப் படை (பிஎஸ்எஃப்), வங்கதேச பாதுகாப்பு படை (பிஜிபி) இடையே நடைபெற்ற இந்தப் பேச்சுவார்த்தையின்போது வீரர்கள், இந்திய குடிமக்கள் மீது எல்லையில் அத்துமீறி நடத்தப்படும் தாக்குதல்கள் குறித்து வங்கதேச அதிகாரிகளிடம் பிஎஸ்எஃப் முறையிட்டது.

1993-இல் இருந்து புது தில்லியிலும் டாக்காவிலும் ஆண்டுக்கு இரு முறை இந்தப் பேச்சுவார்த்தை நடத்தப்பட்டு வருகிறது. இந்நிலையில், ஆக.25 முதல் 28 வரை வங்கதேச தலைநகர் டாக்காவில் நடைபெற்ற எல்லை விவகாரங்கள் பேச்சுவார்த்தையில் பிஎஸ்எஃப் தலைமை இயக்குநர் தல்ஜித் சிங் சௌதரி தலைமையிலான இந்தியக் குழுவும் பிஜிபி தலைமை இயக்குநர் முகமது அஷ்ராஃபுசாமன் தலைமையிலான வங்கதேசக் குழுவும் பங்கேற்றது.