சிவகங்கையில் ஆங்கில எழுத்து கல்வெட்டு கண்டெடுப்பு

சிவகங்கையில் ஆங்கில எழுத்தால் எழுதப்பட்ட பழைமையான கல்லறைக் கல்வெட்டு சனிக்கிழமை கண்டெடுக்கப்பட்டது.

- 

சிவகங்கை, ஜூலை 19:

சிவகங்கை சமத்துவபுரம் பகுதியில் கல்வெட்டு ஒன்று கிடப்பதாக வழக்குரைஞர் சத்தியன் சிவகங்கை தொல்நடைக் குழுவுக்கு தகவல் தெரிவித்தார். இதன் அடிப்படையில் அந்த இடத்தில் தொல்நடைக் குழு நிறுவனர் கா.காளிராசா, செயலர் ரா.நரசிம்மன் கள ஆய்வு மேற்கொண்டனர்.

இதுகுறித்து தொல்நடைக் குழு நிறுவனர் கா.காளிராசா தெரிவித்ததாவது: 1759-ஆண்டு, ஜூன் முதல் நாளில் பிறந்து, 1779-ஆண்டு, ஜூலை 25-ஆம் நாள் இறந்து போன எலிசபெத் ஹெல்மர் எனும் பெண்ணுக்காக இந்தக் கல்லறைக் கல்வெட்டு ஆங்கில எழுத்தில் எழுதி வைக்கப்பட்டுள்ளது.