இந்தியா-கனடா உறவைச் சீராக்க தூதர்களை மீண்டும் நியமிக்க முடிவு

இந்தியா-கனடா இடையிலான உறவில் ஸ்திரத்தன்மையை மீட்டெடுக்க இரு நாடுகளின் பிரதமர்களும் ஒப்புக் கொண்டனர். கூடிய விரைவில் மீண்டும் தூதர்களை நியமிக்கவும் முடிவு செய்யப்பட்டது.

- 

கனடாஸ்கிஸ், ஜூன் 18:

ஜஸ்டின் ட்ரூடோ தலைமையிலான முந்தைய ஆட்சியில் இருதரப்பு உறவுகள் சீர்குலைந்த நிலையில், இந்தியப் பிரதமர் மோடி-கனடா பிரதமர் மார்க் கார்னி இடையிலான சந்திப்பில் இந்த முக்கிய முடிவுகள் மேற்கொள்ளப்பட்டன.

இருவருக்கும் இடையே நடைபெற்ற முதல் சந்திப்பு இது என்பது குறிப்பிடத்தக்கது.

கனடாவில் கடந்த 2023-ஆம் ஆண்டில் காலிஸ்தான் பயங்கரவாதி நிஜ்ஜார் கொல்லப்பட்ட சம்பவத்தில் இந்திய அரசுக்கு தொடர்பிருப்பதாக அப்போதைய பிரதமர் ஜஸ்டின் ட்ரூடோ பரபரப்பு குற்றச்சாட்டை முன்வைத்தார். இதை திட்டவட்டமாக மறுத்த இந்தியா, காலிஸ்தான் பிரிவினைவாத சக்திகளுக்கு ட்ரூடோ அரசு ஆதரவளிப்பதாக சாடியது.