அனைத்து உயர்நீதிமன்ற நீதிபதிகளுக்கும் முழு ஓய்வூதியம்: உச்சநீதிமன்றம் தீர்ப்பு

கூடுதல் நீதிபதிகள் உள்பட அனைத்து உயர்நீதிமன்ற நீதிபதிகளும் முழு ஓய்வூதியம் பெற தகுதியானவர்கள் என உச்சநீதிமன்றம் திங்கள்கிழமை தீர்ப்பளித்தது.

- 

புது தில்லி, மே 19:

மேலும், பணி ஓய்வுக்குப் பிந்தைய அனைத்து சலுகைகளும் அவர்களுக்கு வழங்கப்பட வேண்டும் எனவும் தீர்ப்பில் குறிப்பிடப்பட்டது.

முன்னாள் உயர்நீதிமன்ற தலைமை நீதிபதிகளுக்கு ஆண்டுக்கு ரூ.15 லட்சமும் உயர்நீதிமன்ற நீதிபதிகள் மற்றும் கூடுதல் நீதிபதிகளுக்கு ஆண்டுக்கு ரூ.13.50 லட்சமும் ஓய்வூதியமாக மத்திய அரசு வழங்க வேண்டும் என உச்சநீதிமன்ற தலைமை நீதிபதி பி.ஆர்.கவாய், நீதிபதி அகஸ்டின் ஜார்ஜ்மாசி ஆகியோர் அடங்கிய அமர்வு உத்தரவிட்டது.

பணி ஓய்வுபெறும் சமயத்தில் உயர்நீதிமன்ற நீதிபதிகள் நிரந்தரமான பதவியில் இருந்தனரா அல்லது கூடுதல் நீதிபதியாக இருந்தனரா என்பதன் அடிப்படையில் அவர்களுக்கு ஓய்வூதியம் வழங்குவதில் பாரபட்சம் காட்டப்படுவதாக குற்றஞ்சாட்டப்பட்டது.