14 வயதுக்குள்பட்ட மாணவர்கள் சமூக ஊடகங்களைப் பயன்படுத்த தடை வருமா?

அமைச்சர் அன்பில் மகேஸ் பொய்யாமொழி விளக்கம்

- 

சென்னை, ஏப். 25: தமிழகத்தில் 14 வயதுக்குள்பட்ட மாணவர்கள் சமூக ஊடகத்தைப் பயன்படுத்த தடை விதிப்பதற்கான சாத்தியக்கூறுகள் குறித்து பள்ளிக் கல்வித்துறை அமைச்சர் அன்பில் மகேஸ் பொய்யாமொழி விளக்கம் அளித்துள்ளார்.

சட்டப்பேரவையில் வெள்ளிக்கிழமை நடைபெற்ற பள்ளிக்கல்வித்துறை மானியக் கோரிக்கை மீதான விவாதங்களுக்கு பதில் அளித்து அமைச்சர் அன்பில் மகேஸ் பொய்யாமொழி பேசியதாவது:

நீதிபதி சந்துரு அறிக்கையின் பரிந்துரைப்படி, ஜாதி பெயரில் பள்ளிகள் செயல்படுவது குறித்து உரிய முடிவு எடுக்கப்படும். பல்வேறு இடங்களில் போக்ஸோ குறித்து விழிப்புணர்வு ஏற்படுத்தப்படுகிறது. பள்ளி புத்தகங்களில் குழந்தைகள் உதவி எண் 1098 மற்றும் 14417 ஆகிய எண்கள் இடம்பெற்றுள்ளன.