உயர்நீதிமன்ற நீதிபதிகளை விசாரிக்க லோக்பாலுக்கு அதிகாரம்?

உயர்நீதிமன்ற நீதிபதிகளுக்கு எதிரான புகார்களை விசாரிக்க லோக்பால் அமைப்புக்கு அதிகாரம் உள்ளதா எனக் கேள்வியெழுப்பும் மனுவை ஏப்ரல் 30-ஆம் தேதி உச்சநீதிமன்றம் விசாரிக்க உள்ளது.

- 

புது தில்லி, ஏப்.15:

இந்த விவகாரம் உச்சநீதிமன்ற நீதிபதிகள் பி.ஆர். கவாய், சூர்ய கந்த், அபய் எஸ் ஓகா ஆகியோர் அடங்கிய சிறப்பு அமர்வு முன் செவ்வாய்க்கிழமை விசாரணைக்கு வந்தது.

அப்போது நீதிபதிகள், 'இந்த வழக்கை விசாரிக்க தற்போது குறைந்தது 2 மணி நேரமாவது தேவைப்படும். ஆகையால், இதை ஏப்ரல் 30-ஆம் தேதிக்கு ஒத்திவைக்கிறோம்' என்றனர்.

முன்னதாக, 'மாவட்ட நீதிமன்றத்தில் நடைபெற்று வரும் வழக்கு ஒன்றில் தனியார் நிறுவனத்துக்கு ஆதரவாக செயல்பட அந்த மாவட்ட நீதிபதிக்கு தில்லி உயர் நீதிமன்றத்தின் தற்போதைய கூடுதல் நீதிபதி நிர்பந்தித்துள்ளார்.