திமுகவுக்கும் சமமான பொறுப்பு: ஆளுநர் ஆர்.என்.ரவி

தமிழக மீனவர்கள் பிரச்னைக்கு 1974-இல் ஏற்படுத்தப்பட்ட கச்சத்தீவு ஒப்பந்தமே காரணம் எனவும், அப்போதைய மத்திய அரசின் கூட்டணிக் கட்சியாக இருந்த திமுகவுக்கும் இந்தத் தவறில் சமமான பொறுப்பு உண்டு எனவும் ஆளுநர் ஆர்.என்.ரவி குற்றஞ்சாட்டியுள்ளார்.

- 

ராமேசுவரம், மார்ச் 2:

ராமநாதபுரம் மாவட்டம், ராமேசுவரத்திலிருந்து அண்மையில் கடலுக்குள் மீன் பிடிக்கச் சென்ற 42 மீனவர்களை இலங்கைக் கடற்படையினர் கைது செய்து சிறையில் அடைத்தனர். மேலும், 8 விசைப்படகுகளைப் பறிமுதல் செய்தனர்.

இதைக் கண்டித்தும், மீனவர்கள், விசைப்படகுகளை விடுவிக்க மத்திய, மாநில அரசுகள் நடவடிக்கை எடுக்க வலியுறுத்தியும் கடந்த 24-ஆம் தேதி காலவரையற்ற வேலைநிறுத்தப் போராட்டத்தை ராமேசுவரம் மீனவர்கள் தொடங்கினர்.