தண்டவாளத்தில் தலை வைத்து புதுமணத் தம்பதி தற்கொலை

காட்பாடி அருகே ரயில் தண்டவாளத்தில் தலை வைத்து புதுமணத் தம்பதி தற்கொலை செய்து கொண்டது.

- 

வேலூர்/திருப்பத்தூர், ஏப்.10:

வேலூர் மாவட்டம், லத்தேரி அருகே உள்ள பட்டியூர் பகுதியில் ரயில்வே தண்டவாளத்தில் ஒரு ஆணும், ஒரு பெணும் வியாழக்கிழமை கட்டி அணைத்தபடி தலை வைத்து படுத்து தற்கொலை செய்து கொண்டுள்ளனர். இதைக்கண்ட அப்பகுதி மக்கள் ஜோலார்பேட்டை ரயில்வே போலீஸாருக்கு தகவல் தெரிவித்தனர்.

அதன்பேரில், ரயில்வே போலீஸார் விரைந்து வந்து பார்த்தபோது தண்டவாளத்தின் அருகே தலை துண்டான நிலையில் ஜோடியின் உடல் கிடந்தது தெரியவந்தது. உடனடியாக அவர்கள் இருவரின் உடல்களையும் ரயில்வே போலீஸார் கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.