மேற்காசிய அமைதிக்கு இந்தியா முழு ஆதரவு

ஐக்கிய அரபு அமீரகத்தில் பிரதமர் மோடி உறுதி

- 

மேற்காசியாவில் அமைதி மற்றும் ஸ்திரத்தன்மையை விரைந்து நிலைநாட்ட சாத்தியமான அனைத்து ஆதரவையும் வழங்க இந்தியா தயாராக உள்ளது என்று பிரதமர் நரேந்திர மோடி வெள்ளிக்கிழமை தெரிவித்தார்.

ஐக்கிய அரபு அமீரகத்தின் (யுஏஇ) தலைநகர் அபு தாபியில் அந்நாட்டு அதிபர் ஷேக் முகமது பின் சையத் அல் நஹ்யான் உடனான சந்திப்பின்போது பிரதமர் இவ்வாறு குறிப்பிட்டார்.

ஐக்கிய அரபு அமீரகம் மற்றும் நெதர்லாந்து, ஸ்வீடன், நார்வே, இத்தாலி ஆகிய 4 ஐரோப்பிய நாடுகளுக்கு பிரதமர் மோடி 6 நாள்கள் அரசுமுறைப் பயணம் மேற்கொண்டுள்ளார்.

முதல்கட்டமாக, ஐக்கிய அரபு அமீரகத்துக்கு அவர் வெள்ளிக்கிழமை வந்தடைந்தார். அமெரிக்கா-இஸ்ரேல் மற்றும் ஈரான் இடையே கடந்த பிப்ரவரி 28-இல் போர் மூண்ட பிறகு மேற்காசிய பிராந்தியத்துக்கு அவர் பயணிப்பது இதுவே முதல்முறையாகும்.